Adeegga Negeeye

• Adeegga Negeeye waa barnaamij ay hindistay oo hirgelisay Safaaradda
  Soomaaliyeed ee Ankara. Waa aalad u suurtagelinaysa in safaaraddu si sahlan
  ugu adeegto bulshada uga baahan adeegyada kala duwan; sida adeegyada
  Qunsilayadda iyo samaynta ama cusboonaysiinta baasaboorrada.
  Negeeye waa adeeg Internetka ku shaqaynaya. Wuxuu qofka u baahan si dhib
  yar u gaadhsiinayaa adeegyada Safaaraddu bixiso. Qofkii soo isticmaala Adeegga
  Negeeye wuxuu helayaa adeegga ama adeegyada uu dalbaday isaga oo gurigiisa
  jooga, oo aan u soo safrin Safaaradda meel kasta oo uu ka degganyahay dalka
  Turkey iyo waqti walba oo uu haleelo.

           Adeegyada safaarada RIIX

• Negeeye waxaad ka dalban kartaa dhammaan adeegyada ama waraaqaha
  ay Safaaraddu ku gudbiso Adeegga Negeeye ee tooska ah “Online”.
• Adeeggani wuxuu kale oo kuu samanayaa ballanta ama waqtiga aad ku
  imanaysid Safaaradda, si aad u samaysatid adeegyada aan tooska ahayn,
  ee laga fursan waayey in qofku Safaaradda u yimaaddo; sida samaynta
  ama cusboonaysiinta baasaboorrada, qorista wakaaladda hantida ma
  guurtada ah iwm.
• Adeegga Negeeye wuxuu waraaqahaaga kaaga soo tasdiiqinayaa
  Wasaaradda Arimaha Dibadda ee Turkey. Ka dibna wuxuu kuugu soo dirayaa cinwaanka (address) gurigaaga ama xafiiskaaga ee aad soo
  qoratay.
• Adeegga Negeeye wuxuu mar walba kula socodsiinayaa heerka uu marayo
  adeegga aad ka dalbatay safaaradda. Isaga oo kaala soo xidhiidhi doona
  emailka iyo telefoon numberka aad iskaga diiwaan gelisay Negeeye.
• Haddii aad sidaada isaga diiwaan gelisid adeegga Negeeye, waxaad heli
  doontaa wararka iyo fariimaha Safaaraddu dadwaynaha u soo gudbinayso. 

Halkaan Kadalbo Adeegyada safaarada RIIX

ama Laxiriir

Cillad Bixiyaha WhatsApp Fariin keliya: +905345933990

Markhaati-fur / Testmonial RIIX 

SOMALI EMBASSY ANKARA – SAFAARADDA SOOMAALIYA ANKARA